monumenta.ch > Hieronymus > Iudices, 12 > csg75.805 > sectio 9 > bculMs.403.80v > bsbClm6224.180 > Psalmi, 30 > Sapientia, 2 > sectio 5 > Psalmi, 14 > Psalmi, 67 > Psalmi, 119 > sectio 3 > sectio 39 > csg46.52 > csg68.255 > uwbM.p.th.f.69.37 > csg51.135 > Psalmi, 103 > sectio 21 > cb125.136r > Samuelis I, 3 > sectio 2 > sectio 4 > csg48.207 > bculMs.403.83v > Malachias, 1 > sectio 8 > sectio > sectio 55 > bnf2772.116 > bnfGrec107.257 > csg68.254 > uwbM.p.th.f.69.97 > sectio 46 > uwbM.p.th.q.1a.127 > 35 > sectio 54

Word Selection for Searching

Report an Error in this Sectio     Magnify Greek
Hieronymus, Epistulae, 4, 106, 54
Octogesimo tertio: Cor meum, et caro mea exsultavit in Deum vivum . Pro quo in Graeco scriptum dicitis, exsultaverunt. In hoc nulla contentio est; si enim legimus, exsultavit, intelligitur, et cor meum exsultavit, et caro mea exsultavit. Sin autem, exsultaverunt, duo pariter exsultaverunt, id est, cor, et caro. Et quaeso vos; ut huiusmodi ineptias, et superfluas contentiones, ubi nulla est sensus immutatio, declinetis. In eodem: Beatus vir, cuius est auxilium abs te. In Graeco invenisse vos dicitis: cui est auxilium eius abs te; quod quia nos in Latina interpretatione vitamus, ut dicitis, reprehendimur. Cui enim non pateat, quod si dicere voluerimus, cui est auxilium eius, apertissimum vitium sit; et quando praecesserit, cui, sequi non debeat, eius? nisi forte vitii arguimur, quod vitaverimus vitium. In eodem: In valle lacrymarum . Pro quo dicitis in Graeco scriptum esse, κλαυθμῶνος, id est, plorationis, sed sive ploratum, sive planctum, sive fletum, sive lacrymas dixerimus, unus est sensus. Et nos hoc sequimur, ut ubi nulla est de sensu mutatio, Latini sermonis elegantiam conservemus.